மியான்மர் சிறைச்சாலையில் பயங்கர குண்டுவெடிப்பு-8 பேர் உடல் சிதறி உயிரிழப்பு-18 பேர் படுகாயம்

மியான்மர் சிறைச்சாலையில் பயங்கர குண்டுவெடிப்பு-8 பேர் உடல் சிதறி உயிரிழப்பு-18 பேர் படுகாயம்

மியான்ரின் யாங்கூன் நகரில் இன்செய்ன் சிறைச்சாலை அமைந்துள்ளது.

இன்செய்ன் சிறை மிகவும் மோசமான சிறைச்சாலையாக கருதப்படுகிறது.

கடந்த ஆண்டு ராணுவத்துக்கு எதிராக நடந்த கிளர்ச்சியின் போது கைது செய்யப்பட்ட அரசியல் கைதிகள் இந்த சிறைச்சாலையில் அடைக்கப்பட்டுள்ளனர்.

இந்நிலையில் இங்கு தபாலில் வந்த பார்சலைப் பிரித்த போது அதில் இருந்த வெடிகுண்டு வெடித்துள்ளது.

இதில் சிறை ஊழியர்கள் 3 பேர் மற்றும் கைதிகளை சந்திக்க வந்த பார்வையாளர்கள் 5 பேர் என மொத்தம் 8 பேர் சம்பவ இடத்திலேயே உடல் சிதறி உயிரிழந்தனர்.

மேலும் 18 பேர் படுகாயங்களுடன் மருத்துவமனையில் அனுமதிக்கப்பட்டுள்ளனர்.

மேலும் குண்டு வெடிப்பிற்குப் பிறகு துப்பாக்கியால் சுடும் சப்தமும் கேட்டதாக காயம் அடைந்தவர்கள் தெரிவித்துள்ளனர்.