பாலஸ்தீனியர்களுக்கு ஆதரவாக கியூபா.. திடீரென்று போராட்டத்தில் குதித்ததால் பரபரப்பு

கியூபாவில், பாலஸ்தீனியர்களுக்கு ஆதரவாக போராட்டம் நடைபெற்றது. ஹவானா பகுதியில் நடைபெற்ற இந்த போராட்டத்தில் தொழிலாளர்கள், மாணவர்கள், பாலஸ்தீனியர்கள் உள்ளிட்ட ஏராளமானோர் கலந்து கொண்டு முழக்கங்களை எழுப்பினர். கியூபாவில் பாலஸ்தீனியர்களுக்கு ஆதரவாக நடைபெறும் முதல் பொது நிகழ்ச்சி இதுவாகும். முன்னதாக, தமது சமூக வலைதள பக்கத்தின் மூலம் மருத்துவமனை தாக்குதலுக்கு, கியூபா அதிபர் மிகுவல் டயஸ்-கனெல், கண்டனம் தெரிவித்துள்ளார். இதுகுறித்து பதிவிட்டுள்ள அவர், காசாவில் அல் அஹ்லி மருத்துவமனை மீது இஸ்ரேல் நடத்திய குண்டுத் தாக்குதலை கியூபா கடுமையாகக் கண்டிப்பதாக தெரிவித்தார்.