4 மாத குழந்தையை கடத்தி கொண்டு கேரளாவில் தம்பதி செய்த காரியம் - வெளியான பகீர் சிசிடிவி காட்சி

கன்னியாகுமரி மாவட்டம் நாகர்கோயிலில் நான்கு மாத குழந்தையை கடத்தி சென்று கேரளாவில் பிச்சை எடுத்துக் கொண்டிருந்த தம்பதியை போலீசார் கைது செய்தனர்.

கன்னியாகுமரி மாவட்டம் வள்ளியூரை சேர்ந்த தம்பதி முத்துராஜா - ஜோதிகா. இவர்களின் நான்கு வயது குழந்தை கடந்த 23 ஆம் தேதி வட சேரி பேருந்து நிலையத்தில் வைத்து மாயமானதாக கூறி குழந்தையின் தாய் போலீசில் புகாரளித்தார். இது குறித்து தனிப்படை அமைத்து விசாரணை நடத்தி வந்த வடசேரி போலீசார், பேருந்து நிலைய சிசிடிவி காட்சிகளை கைப்பற்றி தீவிர விசாரணை நடத்தினர். அதில், குழந்தையை பெண் ஒருவர் கடத்தி சென்றது தெரியவர, கோட்டார் ரயில் நிலையத்தில் இருந்து அந்த பெண் கேரளா சென்றது சிசிடிவி மூலம் தெரியவந்தது.