தறி கெட்டு ஓடி நின்றவர்கள் மீது மோதிய ஜீப்..தூக்கி வீசப்பட்டு 3 பேர் உடல் நசுங்கி பலி..

தறி கெட்டு ஓடி நின்றவர்கள் மீது மோதிய ஜீப்..தூக்கி வீசப்பட்டு 3 பேர் உடல் நசுங்கி பலி..விருதுநகரில் பயங்கரம்

விருதுநகர் மாவட்டம் திருச்சுழி அருகே தறி கெட்டு ஓடிய ஜீப், டீக்கடையில் இருந்தவர்கள் மீது மோதி தூக்கி வீசியதில் 3 பேர் உயிரிழந்தனர்.திருச்சுழி அருகே மண்டபசாலை பேருந்து நிறுத்தம் பகுதியில், பா.ஜ.க. கொடி கட்டிய ஜீப் ஒன்று கட்டுப்பாட்டை இழந்து தாறுமாறாக ஓடியது. இதைப்பார்த்து மக்கள் அலறியடித்து ஓடினர். அப்போது, டீக் கடை ஒன்றில் நின்று கொண்டிருந்தவர்களை மோதி தூக்கி விசிய ஜீப், அருகில் உள்ள மின் கம்பத்தில் மோதி நின்றது. இந்த விபத்தில், தூக்கி வீசப்பட்ட 2 பேர் சம்பவ இடத்திலேயே உயிரிழந்த நிலையில், ஒருவர் மருத்துவமனை கொண்டு செல்லும் வழியில் உயிரிழந்தார். அதே நேரத்தில், ஜீப் மோதியதில் மின் கம்பம் முறிந்து, வயர் அறுந்து விழுந்த‌து. உடனடியாக மின்சாரம் தடை பட்டதால், பெரும் விபத்து தவிர்க்கப்பட்டது. ஜீப்பில் இருந்தவர்கள் தப்பியோடியதால், அவர்களை கைது செய்ய வலியுறுத்தி, பொதுமக்கள் சாலை மறியலில் ஈடுபட்டனர். தகவலறிந்து சென்ற காவல்துறையினர், தப்பியோடியவர்களை கைது செய்வோம் என உறுதி அளித்த‌தால் மறியலை கைவிட்டு கலைந்து சென்றனர்.