போதையில் கொடூரமாக விழுந்த வெட்டு - இணையத்தை பீதியடைய செய்த அந்த வீடியோ
சேலம் மாவட்டம் இளம்பிள்ளை அருகே மது போதையில் இளைஞர்களுக்கிடையே தகராறு ஏற்பட்ட நிலையில் வெட்டு காயங்களுடன் இளைஞர் கதறும் வீடியோ வைரலாகியுள்ளது.
காடையாம்பட்டி பகுதியை சேர்ந்த ஹரிபிரசாத் என்பவர் தனது நண்பர் வினோத் உள்ளிட்டோருடன் முத்துமாரியம்மன் கோயில் பகுதியில் கடந்த 24 ஆம் தேதி மது அருந்தியுள்ளனர். போதை தலைக்கேறிய நிலையில், ஒருவருக்கொருவர் தகாத வார்த்தையில் பேசிக் கொண்டதில் நண்பர்களுக்கிடையே தகராறு ஏற்பட்டதாக கூறப்படுகிறது. அப்போது, ஹரிபிரசாத்தை, வினோத்தின் தம்பி ரஞ்சித் கத்தியால் வெட்டியதாக தெரிகிறது. கை விரல்கள் மற்றும் தலையில் வெட்டுக்காயம் ஏற்பட்டு ரத்த வெள்ளத்தில் துடிதுடித்த வீடியோ தற்போது சமூக வலைத்தளங்களில் பரவி பரபரப்பை ஏற்படுத்தியுள்ளது. வெட்டுப்பட்ட ஹரிபிரசாத் எடப்பாடி அரசு மருத்துவமனையில் அனுமதிக்கப்பட்ட அங்கு சிகிச்சை பெற்று வருகிறார். இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.