வேலூர் மாவட்டம் வேப்பங்குப்பம் காவல் நிலையத்தில், காவல் ஆய்வாளர் சுரேஷ் பாபு, காவல் உதவி ஆய்வாளர்கள் குமார், கோபிநாதன் ஆகியோர் சரியாக பணி செய்வதில்லை என புகார்கள் எழுந்தன. வாலிபர் ஒருவர் பெண்ணை மிரட்டிய வழக்கிலும், கிராமத்தில் இருதரப்பினர் மோதிக் கொண்ட வழக்கிலும், வழக்குப்பதிவு செய்வதிலும், பாதுகாப்பு கொடுப்பதிலும் அலட்சியம் காட்டியதாக,
வேலூர் மாவட்ட ஆட்சியர் அலுவலகத்தில் புகார் அளிக்கப்பட்டிருந்தது. இதுதொடர்பாக விசாரித்த மாவட்ட காவல் கண்காணிப்பாளர் மதிவாணன், வேப்பங்குப்பம் காவல்நிலையத்தை சேர்ந்த 3 போலீசாரையும் ஆயுதப்படைக்கு மாற்றம் செய்து உத்தரவிட்டார்.