155 பயணிகள்.. கடைசி நேரத்தில் அதிர்ச்சி.. திருச்சி விமானத்தால் மீண்டும் திடுக்.. பயணி பேசிய ஆடியோ

திருச்சியில் இருந்து ஷார்ஜா செல்லும் விமானத்தில் தொழில்நுட்பக் கோளாறு ஏற்பட்டதால், 8 மணி நேரத்திற்குப் பிறகு மாற்று விமானம் மூலம் பயணிகள் அழைத்துச் செல்லப்பட்டனர்.

திருச்சியில் இருந்து ஷார்ஜாவிற்கு 155 பயணிகளுடன் நேற்று மாலை 5.40 மணிக்கு புறப்படுவதாக இருந்த ஏர் இந்தியா எக்ஸ்பிரஸ் விமானத்தில், கடைசி நேரத்தில் தொழில்நுட்ப கோளாறு இருப்பது கண்டறியப்பட்டது. அதைத் தொடர்ந்து விமானம் தாமதமாக புறப்படும் என்றும், கோளாறுகளை வல்லுநர்கள் சரிசெய்து கொண்டிருப்பதாகவும் விமான நிறுவனம் தரப்பில் தெரிவிக்கப்பட்டது. ஆனால், நீண்ட நேரமாகியும் உணவு, குடிநீர் தராமலும், எப்போது விமானம் புறப்படும் என சரியாக தெரிவிக்கவில்லை என்றும் கூறி, பயணிகள் அவதிக்குள்ளானார்கள்.