தி.மலையில் விபத்தில் சிக்கிய ஆந்திர லாரி...உள்ளே இருந்தது பொருள்? ஷாக்கான போலீஸ்

சினிமா பட பாணியில் சிலிக்கான் துகள்கள் எனக் கூறி ஆற்று மணலை கடத்தி சென்ற சம்பவம் திருவண்ணாமலையில் அரங்கேறியுள்ளது. திருவண்ணாமலை மாவட்டம் வந்தவாசி புறவழிச்சாலையில் வந்து கொண்டிருந்த ஆந்திரா லாரியின் முன் டயர் வெடித்து விபத்துக்குள்ளானது. இதுகுறித்து தகவலறிந்து வந்த போலீசார் விசாரணை மேற்கொண்ட போது, சிலிகான் துகள்களை ஏற்றி செல்வதாக ஓட்டுநர் கூறியுள்ளார். இந்நிலையில், இரவோடு இரவாக லாரியில் கடத்தி வரப்பட்ட ஆற்று மணலை மற்றொரு லாரியை கொண்டு கடத்தி சென்றுள்ளனர். இதுகுறித்து போலீசாருக்கு தகவல் தெரிவிக்கப்பட்ட நிலையில், நெல் உமிகளுக்கு கீழ் ஆற்று மணலை கடத்தி விட்டு சிலிகான் துகள்கள் ஏற்றியதாக நாடகமாடியது தெரியவந்துள்ளது. லாரி ஓட்டுநர் மற்றும் உதவியாளரை கைது செய்து போலீசார் விசாரணை நடத்தி வருகின்றனர்.