திருவண்ணாமலை மாவட்டம் போளூர் அடுத்த குருவிமலை பகுதியில் வேலூரில் இருந்து திருவண்ணாமலை நோக்கி சென்ற அரசு பேருந்தும் திருவண்ணாமலையில் இருந்து ஆந்திரா நோக்கிச் சென்ற டாடா சுமோ காரும் நேருக்கு நேர் மோதின. இதில் காரில் பயணம் செய்த ஜெகன்மோகன், பிரவிளிகா ஆகிய இருவரும் சம்பவ இடத்திலேயே துடிதுடித்து உயிரிழந்தனர். மேலும் உடன் பயணித்த சுஜாதா, ஆதிநாராயணா, ஜோதி, வரலட்சுமி உட்பட 10 பேர் படுகாயங்களுடன் சிகிச்சைக்காக திருவண்ணாமலை அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளனர். இந்த விபத்து குறித்து கலசப்பாக்கம் காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.