ரெட்ஹில்ஸ் திமுக புள்ளியின் வீடு அருகே கிடைத்த படு பயங்கரம் - பின்னணியில் திட்டமிட்ட சதியா?

திருவள்ளூர் மாவட்டம் செங்குன்றம் அருகே, திமுக ஒன்றிய குழு தலைவரின் வீட்டருகே, பெட்ரோல் நிரப்பப்பட்ட கேன்களில் பேட்டரி இணைத்து வைக்கப்பட்டிருந்தது பரபரப்பை ஏற்படுத்தி இருக்கிறது.செங்குன்றம் அடுத்த புள்ளிலைன் பகுதியைச் சேர்ந்தவர் திருமால். இவர், திமுக முன்னாள் ஒன்றிய செயலாளரான நிலையில், இவரது மனைவி தங்கமணி... ஊராட்சி ஒன்றியக்குழு பெருந்தலைவராக பொறுப்பு வகுத்து வருகிறார். இந்நிலையில், தம்பதி வீட்டருகே, பெட்ரோல் நிரப்பப்பட்ட 3 கேன்களில் பேட்டரி இணைத்து வைக்கப்பட்டிருந்தது பரபரப்பை ஏற்படுத்தி இருக்கிறது. அக்கம்பக்கத்தினர் அளித்த தகவலின் அடிப்படையில் சம்பவ இடத்திற்கு விரைந்த போலீசார், 3 கேன்களையும் கைப்பற்றி இருக்கின்றனர். திமுக பிரநிதி வீட்டின் மீது மர்மநபர்களின் பெட்ரோல் குண்டு வீச திட்டமா? என இந்த சம்பவம் குறித்து போலீசார் தீவிர விசாரணை நடத்தி வருகின்றனர்.