"திட்டமிட்டபடி வேலை நிறுத்தம் நடைபெறும்.." - நேரம் குறித்து எச்சரித்த போக்குவரத்து சங்கம்

பல்வேறு கோரிக்கைகளை வலியுறுத்தி வரும் போக்குவரத்து தொழிலாளர் சங்கங்களுடன் ஏற்கனவே அமைச்சர், தொழிலாளர் நல ஆணையர் முன்னிலையில் மூன்று கட்டங்களாக முத்தரப்பு பேச்சுவார்த்தை நடைபெற்றது. நான்காம் கட்ட பேச்சுவார்த்தை ஞாயிற்றுக்கிழமை நடைபெறுவதாக இருந்த நிலையில், தொழிற்சங்க தலைவர்கள் காத்திருந்தனர். ஆனால் போக்குவரத்து துறை அமைச்சர் சிவசங்கர், உலக முதலீட்டாளர் மாநாட்டிற்கு சென்று விட்டதால் பேச்சுவார்த்தை நடைபெறவில்லை. இதனால் அதிருப்தி அடைந்த போக்குவரத்து சங்கத் தலைவர்கள், திங்கள்கிழமை காலை 10:30 மணிக்குள் பேச்சுவார்த்தை நடத்தவில்லை எனில், திட்டமிட்டபடி வேலை நிறுத்தம் தொடரும் என்று தெரிவித்தனர்.