பறந்து வந்து அலறவிட்ட ராஜஸ்தான் கேங் - தேடி சென்று ரிவீட் அடித்த சென்னை போலீஸ்..

 விமானம் மூ லம் சென்னை வந்து செயின் பறிப்பில் ஈடுபட்ட ராஜஸ்தான் கொள்ளையர்களை துப்பாக்கி முனையில் தனிப்படை போலீசார் கைது செய்தனர்.

கடந்த மாதம் சென்னை மாதவரத்தை சேர்ந்த கவிதா என்பவரின் 8 பவுன் தங்க நகையை மர்ம நபர்கள் பறித்து சென்றனர். இதுகுறித்து அவர் அளித்த புகாரின்பேரில் 8 பேர் கொண்ட தனிப்படை அமைத்து மாதவரம் துணை ஆணையர் உத்தரவிட்டார். அவர்கள் கண்காணிப்பு கேமரா பதிவுகள் மூலம் ஆய்வு செய்ததில் ராஜஸ்தானை சேர்ந்தவர்கள் செயின் பறிப்பில் ஈடுபட்டது தெரியவந்தது.இதையடுத்து ரயில் மூலம் ராஜஸ்தான் விரைந்த தனிப்படை போலீசார் மகேந்திர குமார் என்பவரை கைது செய்து விசாரித்தனர். விசாரணையில் அதே பகுதியை சேர்ந்த ரமேஷ்பஞ்ஜாரா, தினேஷ்குஜார் என்பவருடன் சேர்ந்து மாதவரம் செயின் பறிப்பு சம்பவத்தில் ஈடுபட்டதை ஒப்புக்கொண்டார். தொடர்ந்து அங்கே பதுங்கி இருந்த இருவரையும் துப்பாக்கி முனையில் போலீசார் கைது செய்தனர்.இதையடுத்து ரயில் மூலம் 3 பேரும் மாதவரம் காவல் நிலையத்துக்கு கொண்டு வந்து விசாரணை நடத்தி வருகின்றனர். மூன்று கொள்ளையர்களும் ராஜஸ்தான் மாநிலத்தில் இருந்து விமான மூலம் அடிக்கடி சென்னை வந்து செயின் பறிப்பு சம்பவங்களை அரங்கேற்றியது விசாரணையில் தெரிய வந்துள்ளது.