இரத்தம் தெறிக்க தெறிக்க லாரி ஓட்டுநரை வெட்டிய கும்பல்.. சென்னை அருகே பயங்கரம்
வீராபுரம் கன்னியம்மன் நகர் பகுதியை சேர்ந்த லாரி ஓட்டுநர் கோவிந்தன் என்பவருக்கும், வினோத் என்பவருக்கும் இடையே முன்விரோதம் இருந்து வந்துள்ளது. வீட்டின் அருகே கோவிந்தன் நின்று கொண்டிருந்தபோது, தனது கூட்டாளிகளுடன் வந்த வினோத், மறைத்து வைத்திருந்த கத்தியால், அவரை சரமாரியாக வெட்டினார். இதில் கோவிந்தனின் நான்கு கை விரல்கள் துண்டானது. மேலும் முகம் உள்ளிட்ட பகுதிகளில் பலத்த வெட்டு காயம் ஏற்பட்டது. தகவல் அறிந்து வந்த போலீசார், கோவிந்தனை மீட்டு முதலுதவி சிகிச்சைக்காக மருத்துவமனைக்கு அனுப்பி வைத்தனர். இதுதொடர்பாக வழக்குப்பதிவு செய்த போலீசார், வினோத் மற்றும் அவரது கூட்டாளிகளான பள்ளு சுரேஷ், மதன் கன்னியப்பன், குணா, நந்தா உள்ளிட்டோரை தேடி வருகின்றனர்.