மீட்க சென்ற போலீசை தாக்கிய விபத்தில் சிக்கியவர்கள்... வெளியான பரபரப்பு காட்சி

சாம்சங் தொழிற்சாலை ஊழியர்கள் போராட்டம் நடைபெறும் பந்தலுக்கு ஊழியர்கள் சிலர் சென்று கொண்டிருந்தனர். ஒரு சிலர் அவ்வழியாகச் சென்ற சிறிய ரக லோடு வாகனத்தில் லிஃப்ட் கேட்டுச் சென்றனர். அப்போது, பின்னால் வந்த கண்டெய்னர் லாரி, உரசியதில் வாகனம் கவிழ்ந்து 10-க்கும் மேற்பட்டோர் காயமடைந்தனர். தகவல் அறிந்து அங்கு வந்த சுங்குவார்சத்திரம் போலீசார், விபத்தில் சிக்கியவர்களை மீட்க முயன்றனர். அப்போது அங்கு வந்த சாம்சங் ஊழியர்கள் போலீசாருடன் வாக்குவாதத்தில் ஈடுபட்டனர். இதில், சுங்குவார்சத்திர காவல் நிலைய எஸ்.எஸ்.ஐ. மணிகண்டன் கீழே தள்ளிவிடப்பட்டதால் பரபரப்பு நிலவியது.