"காக்கி சட்டைய இனிமே போடமாட்ட நீ" - போதையில் போலீசிடம் சவால் - லாயர் மீது பாய்ந்த வழக்கு

திருச்சி மாவட்டம், சமயபுரம் அருகே, மதுபோதையில் காரை ஓட்டிச் சென்று 3 கார்களை இடித்து சேதப்படுத்திய வழக்கறிஞர் மீது போலீசார் வழக்குப்பதிவு செய்துள்ளனர். திருச்சி மாவட்டம் வடக்கு தாராநல்லூர் கிராமத்தைச் சேர்ந்த சக்திவேல்முருகன், மதுபோதையில் காரை ஓட்டி வந்து, சமயபுரம் சுங்கச்சாவடி அருகே மூன்று கார்களை இடித்து சேதப்படுத்தியதாகக்கூறி போலீசார் மடக்கி பிடித்தனர். போலீசாருடன் சக்திவேல்முருகன் வாக்குவாதத்தில் ஈடுபட்ட நிலையில், 3 பிரிவுகளின்கீழ் போலீசார் வழக்குப்பதிவு செய்துள்ளனர்.