காரில் இருந்த பை - திறந்து பார்த்ததும் அதிர்ச்சி... அப்படியே தூக்கிய காவல் துறை

அச்சரப்பாக்கம் ஆத்தூர் சுங்கச்சாவடி அருகே இரண்டு கார்கள் லேசாக உரசிக் கொண்டன. இதைத் தொடர்ந்து, இரு வாகன ஓட்டிகளும் சண்டையிட்டுக் கொண்டிருந்த போது, சம்பவ இடத்திற்கு விரைந்த போலீசார் விசாரணை மேற்கொண்டனர். அப்போது, ஒரு காரில் இருந்த நபர் தான் வைத்திருந்த பையுடன் தப்பிச் செல்ல முயன்றார். அவரை பிடித்த போலீசார், அவரது பையில் சோதனை செய்ததில் 30 லட்ச ரூபாய் பணம் மற்றும் அரை கிலோ தங்கம் இருந்தை கண்டறிந்தனர். இதைத் தொடர்ந்து, பணம் மற்றும் நகையை வருமான வரித்துறை அதிகாரிகளிடம் ஒப்படைத்த போலீசார், சம்பவம் குறித்து விசாரணை மேற்கொண்டு வருகின்றனர்.