பிரபல தியேட்டரில் கெட்டுப்போன ஜூஸ்..? வெளியான அதிர்ச்சி வீடியோ.. தென்காசியில் பரபரப்பு..!

தென்காசி மாவட்டம், கடையத்தில் உள்ள திரையரங்கு ஒன்றில் கெட்டுப்போன குளிர்பானம் விற்பனை செய்யப்பட்டது அதிர்ச்சியை ஏற்படுத்தியுள்ளது.

அந்த திரையரங்கிற்கு குடும்பத்துடன், கட்டட தொழிலாளி படம் பார்க்கச் சென்றுள்ளார். இடைவேளையில் குளிர்பானம் வாங்கி குடித்தபோது, அதிலிருந்து துர்நாற்றம் வீசியுள்ளது. இதுகுறித்து திரையரங்க நிர்வாகிகளிடம் தெரிவித்துள்ளார். மேலும், அங்கிருந்த மேலும் சில குளிர்பான பாட்டில்களை வாங்கி பார்த்தபோது, அதில் உற்பத்தி மற்றும் காலாவதி தேதி இல்லாமல் இருந்தது தெரியவந்தது. இதுதொடர்பான வீடியோ சமூக வலைதளங்களில் பரவி வரும் நிலையில், உணவு பாதுகாப்புத்துறை அதிகாரிகள் உரிய நடவடிக்கை எடுக்க வேண்டும் என்ற கோரிக்கைகளும் எழுந்துள்ளன.