ஒரே நாளில் பேருந்தில் இத்தனை லட்ச மக்கள் பயணமா?

போக்குவரத்துத் துறை அமைச்சர் சிவசங்கரின் அறிவுறுத்தலின்படி, வார இறுதி விடுமுறை மற்றும் சுதந்திர தின விடுமுறையை முன்னிட்டு பயணிகள் வசதிக்காக ஆகஸ்ட் 11ம் தேதியான நேற்று கூடுதல் பேருந்துகள் இயக்கப்பட்டன. சென்னையிலிருந்து பல்வேறு ஊர்களுக்கு தினசரி இயக்கக்கூடிய 2 ஆயிரத்து 100 பேருந்துகளுடன் கூடுதலாக 543 பேருந்துகள் இயக்கப்பட்டன. மொத்தம் 2 ஆயிரத்து 643 பேருந்துகள் இயக்கப்பட்ட நிலையில், அதில் 1 லட்சத்து 32 ஆயிரத்து 150 பயணிகள் பயணித்துள்ளதாகத் தெரிவிக்கப்பட்டுள்ளது.