காரணத்தை சொல்லி தமிழக அரசுக்கு கோரிக்கை வைத்த சரத்குமார் | Sarath kumar | TN Govt

தென்மாவட்டங்களில் கனமழையால் பாதிப்பு ஏற்பட்டுள்ள நிலையில், போர்க்கால அடிப்படையில் நடவடிக்கை எடுக்க கோரி தமிழக அரசுக்கு, நடிகரும், சமத்துவ மக்கள் கட்சியின் தலைவருமான சரத்குமார் வேண்டுகோள் விடுத்துள்ளார். இது குறித்து அவர் வெளியிட்டுள்ள அறிக்கையில், திருநெல்வேலி மாவட்டத்தில் 150 ஆண்டுகளில் இல்லாத அளவு ஒரே நாளில் அதிகனமழை பெய்துள்ளது எனவும், இதனால் மக்களின் இயல்பு வாழ்க்கை பெருமளவு பாதிக்கப்பட்டுள்ளதாகவும் அவர் குறிப்பிட்டுள்ளார். எனவே மக்களை பாதுகாப்பான இடங்களில் தங்க வைக்க வேண்டுமெனவும், அத்தியாவசியப் பொருள்கள், மருத்துவ பாதுகாப்பு உள்ளிட்டவை கிடைப்பதை உறுதி செய்ய வேண்டுமெனவும் அவர் அறிவுறுத்தியுள்ளார்.