சேலம் மாவட்டம் வாழப்பாடி அருகேயுள்ள மின்னாம்பள்ளி பகுதியை சேர்ந்த தம்பதியான சுதாகர்,ரேவதி இருசக்கர வாகனத்தில் சாமியார்புரம் கூட்ரோடு பகுதியில் சென்ற போது சாலையில் இருந்த சேற்றில் சிக்கி இருசக்கர வாகனம் நிலைதடுமாறியதில், ரேவதி சாலையில் தவறி விழுந்துள்ளார். இதில் பின்னால் வந்த லாரியின் இரு டயர்கள் ரேவதியின் தலை மீது ஏறி இறங்கியதில் சம்பவ இடத்திலேயே துடிதுடித்து பரிதாபமாக உயிரிழந்தார். இது குறித்து தகவல் அறிந்து வந்த பாப்பிரெட்டிபட்டி போலீசார் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் விபத்து ஏற்படுத்திய லாரி ஓட்டுநரை தீவிரமாக தேடி வருகின்றனர்.