கடலூர் மாவட்டம் சேத்தியாத்தோப்பு அருகே என்.எல்.சி சார்பில் பரவனாறு வாய்க்கால் வெட்டும் பணி நடைபெற்று வருகிறது. இந்த பணியானது, தங்கள் ஊருக்கு செல்லும் பாதையை அடைத்து நடைபெறுவதாக கூறி, ஊ.ஆதனூர் கிராம மக்கள் அதிகாரிகளை முற்றுகையிட்டு, வாக்குவாதத்தில் ஈடுபட்டனர். மேலும் அவர்கள் இந்த பணியால், மாற்றுப்பாதையில் ஒரு கிலோ மீட்டர் தூரம் வரை சுற்றி செல்ல வேண்டியுள்ளதாக கூறி, தொடர்ந்து வாக்குவாதத்தில் ஈடுபட்டனர். இதனால், அப்பகுதியில் பரபரப்பு ஏற்பட்டது.