"தூக்கம் போச்சு, உயிருக்கு உத்தரவாதம் இல்லை" - 10 நாட்கள் தொடர் உண்ணாவிரதம் -நீலகிரியில் பரபரப்பு

நீலகிரி மாவட்டம் கூடலூரை சுற்றியுள்ள பகுதிகளில் சமீப காலமாக காட்டு யானைகள் தொடர்ந்து அட்டகாசம் செய்து வருகின்றன. குறிப்பாக மனிதர்களை துரத்துவது, தாக்குவது, விவசாய பயிர்களை சேதப்படுத்துவது, வீடுகளை உடைப்பது போன்ற செயல்களால், பொதுமக்கள் அச்சத்தில் உள்ளனர். இதனால் வீட்டை விட்டு வெளியில் வர முடியாத சூழ்நிலை ஏற்பட்டுள்ளது. எனவே காட்டு யானைகள் ஊருக்குள் வருவதை தடுக்க வனத்துறையினர் நடவடிக்கை எடுக்க வலியுறுத்தி, கிராம மக்கள் உண்ணாவிரத போராட்டத்தில் ஈடுபட்டுள்ளனர். 10 நாட்களை கடந்து போராட்டம் நீடித்து வரும் நிலையில், அரசு தீர்வு காண வேண்டும் என கோரிக்கை எழுந்துள்ளது.