"வரும் ஆண்டுகளில் புதிய கல்லூரிகள் தொடங்கப்படும்" - உயர் கல்வித்துறை அமைச்சர் பொன்முடி பேச்சு

"வரும் ஆண்டுகளில் புதிய கல்லூரிகள் தொடங்கப்படும்" - உயர் கல்வித்துறை அமைச்சர் பொன்முடி பேச்சு

திமுக ஆட்சி பொறுப்பேற்ற ஒன்றரை ஆண்டுகளில், 31 புதிய கலை, அறிவியல் கல்லூரிகள் தொடங்கப்பட்டுள்ளதாக, உயர் கல்வித்துறை அமைச்சர் பொன்முடி தெரிவித்தார்.

தமிழக சட்டப்பேரவையில் கேள்வி நேரத்தின் போது பேசிய உத்திரமேரூர் எம்எல்ஏ சுந்தர், வாலாஜாபாத் அருகே கலை, அறிவியல் கல்லூரி தொடங்க வேண்டும் என, வலியுறுத்தினார்.

இதற்கு பதிலளித்த அமைச்சர் பொன்முடி, உத்திரமேரூர் தொகுதியில் மூன்று கல்லூரிகள் செயல்பட்டு வருவதாக தெரிவித்தார்.

தொடர்ந்து பேசிய அவர், கடந்த ஒன்றரை ஆண்டுகளில் 31 புதிய கலை, அறிவியல் கல்லூரிகள் தொடங்கப்பட்டுள்ளதாகவும், கலை கல்லூரி இல்லாத தொகுதிகளில் புதிய கல்லூரிகள் தொடங்கப்படும் எனவும் குறிப்பிட்டார்.