இஸ்ரோவின் அடுத்த தரமான சம்பவம் - வல்லரசுகளின் தூக்கம் தொலைக்க வைக்கும் அப்டேட்

நெல்லை மகேந்திரகிரி இஸ்ரோ மையத்தில் மனிதனை விண்ணுக்கு அனுப்பும் ககன்யான் திட்டத்திற்கான சிஇ 20 கிரையோஜெனிக் இன்ஜின் சோதனையை வெற்றிகரமாக நடைபெற்றது என தெரியவந்துள்ளது. காவல்கிணறு மகேந்திரகிரியில் இஸ்ரோ மையத்தில் விண்கலங்களை செலுத்துவதற்கு தேவையான கிரையோஜெனிக் இன்ஜின்கள் தயாரிக்கப்பட்டு, பரிசோதனை செய்யப்பட்டு வருகின்றன. மையத்தில் விண்வெளிக்கு மனிதர்களை அனுப்பும் ககன்யான் திட்டத்திற்கு தயாரிக்கப்பட்ட சிஇ 20 கிரையோஜெனிக் இன்ஜின் சோதனைகள் பல கட்டமாக நடைபெற்று வருகிறது. அதன்படி 200 வினாடிகள் சோதனை ஓட்டத்தை நடத்த இஸ்ரோ திட்டமிட்டிருந்தது. கவுண்டன் தொடங்கி சோதனை நடைபெற்றதாகவும், சோதனை ஓட்டத்தில் நிர்ணயிக்கப்பட்ட இலக்கை வெற்றிகரமாக அடைந்திருப்பதாகவும் தகவல்கள் வெளியாகியுள்ளன.