கோவிலுக்குச் சென்ற இளம் பெண்ணை கடித்துக் குதறிய தெருநாய் கூட்டம்.. பீதியில் நெல்லை மக்கள்

நெல்லை அருகே கோவிலுக்குச் சென்ற இளம் பெண்ணை தெரு நாய் கூட்டம் கடித்து குதறிய சம்பவம் பரிதாபத்தை ஏற்படுத்தி உள்ளது. மூலைக்கரைபட்டியைச் சேர்ந்த 22 வயதான இளம்பெண் சினேகா, வீட்டின் அருகே உள்ள கோவிலுக்கு சாமி கும்பிட சென்றுள்ளார். அப்போது, அங்கு நின்ற தெருநாய் கூட்டம் சினேகாவை துரத்தியதுடன், சுற்றி வளைத்து கடித்துள்ளது. அலறல் சத்தம் கேட்டு ஓடி வந்த அக்கம்பக்கத்தினர் நாய்களை துரத்திவிட்டு படுகாயமடைந்த சினேகாவை மருத்துவமனையில் சேர்த்துள்ளனர். தெருநாய்களை உடனடியாக பிடித்து அப்புறப்படுத்த வேண்டும் என அப்பகுதி மக்கள் கோரிகை விடுத்துள்ளனர்.