ஜல்லிக்கட்டுக்கு மல்லுக்கட்டும் காளைகள்.. அனல் பறக்க தயாராகும் வாடிவாசல்.. குதூகலத்தில் மதுரை..

பொங்கல் பண்டிகையை முன்னிட்டு மதுரை பாலமேட்டில் வரும் 16-ஆம் தேதி உலகப் புகழ்பெற்ற ஜல்லிக்கட்டு போட்டி நடைபெற உள்ளது. இதற்கான ஆயத்தமாக வாடிவாசலை வண்ணம் தீட்டுதல், மைதானம், பார்வையாளர்கள் கேலரி, காளைகள் வந்து சேரும் இடம் ஆகிய இடங்களை தூய்மைப்படுத்தும் பணிகள் நடைபெற்று வருகிறது. இந்நிலையில் பரிசுப்பொருட்கள் குறித்த விவரங்களை, பாலமேடு ஜல்லிக்கட்டு கமிட்டி அறிவித்துள்ளது. அதன்படி காளைகளை அடக்கும் வீரர்களுக்கு முதல் பரிசாக சொகுசு கார், இரண்டாவது பரிசாக பைக் வழங்கப்பட உள்ளது. சிறந்த காளைக்கு முதல் பரிசாக பைக், இரண்டாவது பரிசாக கன்றுடன் கூடிய நாட்டுப்பசுவும் வழங்கப்பட்ட உள்ளது. இதுபோக டிவி, பிரிட்ஜ், வாசிங் மெஷின், தங்ககாசு, சைக்கிள் உள்ளிட்ட ஏராளமான பரிசுப்பொருட்களையும் ஜல்லிக்கட்டு கமிட்டி தெரிவித்துள்ளது.