கூடவே வந்த நண்பன் துடிதுடித்து இறந்ததை அறியாமல் வீட்டில் போய் தேடிய நண்பர்கள் - சோகத்தின் உச்சம்

கூடவே வந்த நண்பன் துடிதுடித்து இறந்ததை அறியாமல் வீட்டில் போய் தேடிய நண்பர்கள் - சோகத்தின் உச்சம்

கிருஷ்ணகிரி மாவட்டம் ஓசூர் அருகே, இருசக்கர வாகனத்தில் சென்றபோது பள்ளத்தில் விழுந்து இளைஞர் ஒருவர் உயிரிழந்துள்ளார்.

தேவரெட்டிபாளையத்தை சேர்ந்த சிவக்குமார் என்பவர், தனது 2 நண்பர்களுடன் ஓசூரில் இருந்து கெலமங்கலம் நோக்கி இருசக்கர வாகனத்தில் இரவு நேரத்தில் சென்றுள்ளார். அக்கொண்டப்பள்ளி கிராமத்தில் சென்ற போது, மண் மேட்டின் மீது இருசக்கர வாகனம் மோதி, 3 பேரும் கீழே விழுந்துள்ளனர். ஒருவருக்கொருவர் சத்தம் போட்டுக்கொண்டு எழுந்த நிலையில், சிவக்குமார் மட்டும் அங்கு தரைமட்ட பால பணிகளுக்காக போடப்பட்டிருந்த பள்ளத்தில் விழுந்து உயிரிழந்தார். இதை அறியாத நண்பர்கள் வீடு சென்றுள்ளனர். ஆனால், சிவக்குமார் வீடு செல்லாத‌தால், அவரது குடும்பத்தினர் நண்பர்களிடம் விசாரித்துவிட்டு விபத்து நடந்த இடத்தில் சென்று பார்த்துள்ளனர். புகார் அடிப்படையில் போலீசாரும் பள்ளத்தில் தேடி பார்த்த போது, சேற்றிக் சிக்கி சிவக்குமார் உயிரிழந்த‌து தெரிய வந்த‌து. அவரது உடலை மீட்ட போலீசார், இந்த சம்பவம் குறித்து விசாரணை நடத்தி வருகின்றனர்.