திடீரென மாயமான நடராஜர் சிலை.. அதிர்ச்சியில் கொந்தளித்த பக்தர்கள் - கடைசியில் கொடுத்த விளக்கம்

கரூரில் நடராஜர் சிலையை காணவில்லை என கூறி பக்தர்கள் கோவிலில் அமர்ந்து போராட்டத்தில் ஈடுபட்டதால் பரபரப்பு ஏற்பட்டது. கரூரின் மையப் பகுதியில் உள்ள கல்யாண பசுபதீஸ்வரர் கோவிலில் நடராஜர் சிலைக்கு அபிஷேகம் நடைபெறும் என கோவில் நிர்வாகம் சார்பில் அறிவிப்பு பலகையில் எழுதப்பட்டிருந்தது. ஆனால் சிலைக்கு அபிஷேகம் நடத்தாமல் நடராஜர் படத்துக்கு மட்டும் பூஜை நடைபெற்றதால் அதிர்ச்சி அடைந்த சிவனடியார்கள் சிலையை காணவில்லை எனக்கூறி காத்திருப்பு போராட்டத்தில் ஈடுபட்டனர். நடராஜர் சிலை சேதமடைந்து இருப்பதால் நடராஜர் படத்துக்கு பூஜை நடத்தியதாக கோவில் நிர்வாகம் சார்பில் தெரிவிக்கப்பட்டதை அடுத்து அவர்கள் அங்கிருந்து கலைந்து சென்றனர்.