கரூரில் வடமாநில இளைஞர் நிர்வாணப்படுத்தி அடித்தே கொலை - தீயாய் பரவும் வீடியோ
கரூரில் வடமாநில இளைஞர் நிர்வாணப்படுத்தி அடித்தே கொலை - தீயாய் பரவும் வீடியோ
கரூர் அருகே காவிரி ஆற்றங்கரையில் இருசக்கர வாகனத்தை திருட முயன்றதாக வட மாநிலத்தைச் சேர்ந்த இளைஞரை அடித்துக் கொன்ற இருவர் கைது செய்யப்பட்டுள்ளனர்.
கரூர் மாவட்டம், வாங்கல் பகுதியை சேர்ந்த வினோத், கதிர்வேல், பாலாஜி, முத்து, கரண்ராஜ் ஆகிய ஐந்து பேர் கடந்த சனிக்கிழமை வாங்கல் காவிரி ஆற்றங்கரையில் மது அருந்தி உள்ளனர். அப்போது அந்த வழியாக வந்த மனநலம் பாதிக்கப்பட்ட வட மாநில இளைஞர் ஒருவர் அவர்கள் நிறுத்தி வைத்திருந்த இருசக்கர வாகனம் ஒன்றை எடுத்துச் செல்ல முயற்சித்ததாக கூறப்படுகிறது. இதனால் போதையில் இருந்த
ஐவரும் ஆத்திரமடைந்து அந்த வட மாநில இளைஞரை நிர்வாணப்படுத்தி, அடித்து தாக்கியதில் சம்பவ இடத்திலேயே அந்த இளைஞர் உயிரிழந்தார். இது குறித்து வீடியோ சமூக வலைதளங்களில் வைரலாகிய நிலையில், தகவலறிந்த போலீசார் உடலை கைப்பற்றியதோடு, வினோத் மற்றும் கதிர்வேலை கைது செய்தனர். மேலும், தப்பியோடிய பாலாஜி, முத்து, கரண்ராஜ் ஆகிய மூவரையும் வலை வீசி தேடி வருகின்றனர்.