திருக்கோவிலூர் அருகே அரசு பேருந்தில் சாகச பயணம் மேற்கொள்ளும் பள்ளி மாணவர்களால் பொதுமக்கள் அச்சம் அடைந்துள்ளனர். இந்த பேருந்தில் நூற்றுக்கும் மேற்பட்ட மாணவர்கள் பயணிக்கும் நிலையில், பள்ளி மாணவர்கள் இருக்கை இருந்தாலும் படியிலும், பேருந்தின் பக்கவாட்டில் உள்ள ஜன்னல் கம்பிகளில் சாகசம் செய்தவாறு பயணம் மேற்கொள்வதாக புகார் எழுந்துள்ளது. எனவே, உடனடியாக கூடுதல் பேருந்துகளை இயக்க வேண்டும் என்றும் இதுபோன்ற சாகச பயணத்தில் ஈடுபடும் பள்ளி மாணவர்கள் மீது நடவடிக்கை எடுக்கவும் பொதுமக்கள் வேண்டுகோள் விடுத்துள்ளனர்.