ஜெயலலிதாவின் கார் ஓட்டுனர் கனகராஜின் அண்ணன் கைது

சேலம் மாவட்டம் மேச்சேரி அருகே நிலமோசடி வழக்கில் ஜெயலலிதாவிடம் கார் ஓட்டுனராக இருந்த கனகராஜின் அண்ணன் தனபால் என்பவரை போலீசார் கைது செய்தனர்.

மேச்சேரி அருகே எருமைப்பட்டி பகுதியை சேர்ந்த வாசுதேவன் என்பவருக்கு சொந்தமான நிலத்தை துரைஅரசு என்வர் 5 கோடி ரூபாய் கொடுப்பதாக கூறி பத்திரபதிவு செய்ததாக கூறப்படுகிறது. ஆனால் துரை அரசு பணம் கொடுக்காமல் தலை மறைவாகி விட்டார். இது குறித்து வாசுதேவன் போலீசில் புகார் அளித்த நிலையில் நிலம் வாங்க இடைத்தரகராக செயல்பட்ட தனபால் என்பவரை போலீசார் கைது செய்தனர். இவர் மறைந்த முன்னாள் முதலமைச்சர் ஜெயலலிதாவிடம் கார் ஓட்டுனராக இருந்த கனகராஜின் அண்ணன் ஆவார். மேலும் நிலத்தை கொடுக்குமாறு மிரட்டிய ரவுடி குமார் மற்றும் பணம் தராமல் ஏமாற்றி தலைமறைவாக உள்ள துரையரசுவை போலீசார் தீவிரமாக தேடி வருகின்றனர்.