தமிழ்த்தாய் வாழ்த்து.. ஆளுநரை எழுந்து நிற்க சொன்ன இளையராஜா.. பரபரப்பு சம்பவம்

சென்னை ஐஐடி வளாகத்தில் நடைபெற்ற நிகழ்ச்சியில், தமிழ்த்தாய் வாழ்த்து பாடப்பட்டபோது, திரிபுரா ஆளுநர் இந்திர சேனா, இருக்கையில் அமர முயன்றபோது, அவரை இளையராஜா எழுந்து நிற்க சொன்ன பிறகு அவர் எழுந்து நின்று மரியாதை செலுத்தினார். விழா தொகுப்பாளர், தேசிய கீதமும், அதைத் தொடர்ந்து தமிழ்த்தாய் வாழ்த்து மற்றும் வந்தே மாதரம் ஆகிய பாடல்கள் பாடப்படும் என்று ஆங்கிலத்தில் தெரிவித்தார். இதனை தொடர்ந்து அனைவரும் எழுந்து நின்றனர் . ஆனால் தேசிய கீதம் பாடப்பட்டதும், திரிபுரா ஆளுநர் இந்திர சேனா இருக்கையில் அமர்ந்தார். அதன் பிறகு இளையராஜா விவரத்தை சொன்ன பிறகு, தமிழ்த்தாய் வாழ்த்து பாடலுக்கு எழுந்து நின்றார். பின்னர் வந்தே மாதரம் பாடல் பாடுவதற்கு முன்பாக மீண்டும் இருக்கையில் அமர சென்ற ஆளுநர் இந்திர சேனா, சுதாரித்துக்கொண்டு பின்னர் மீண்டும் நின்றார்.