"எங்க அண்ணனை எப்படி இறக்கி விடுவ"... ஓட்டுநர், நடத்துநரை கீழே போட்டு காலால் கொடூரமாக எட்டி உதைத்த இளைஞர்கள்

தூத்துக்குடி பழைய பேருந்து நிலையத்திலிருந்து கிளம்பிய அரசு பேருந்து ஒன்று நாகர்கோவில் நோக்கி சென்று கொண்டிருந்துள்ளது. அப்போது, பேருந்து நிறுத்தம் இல்லாத இடத்தில் இருந்து மதுபோதையில் இளைஞர் ஒருவர், பேருந்தின் படிக்கட்டில் நின்று பயணித்ததாக கூறப்படுகிறது. ஓட்டுநர் எச்சரித்தும் கேட்காததால் தொடர்ந்து படிக்கட்டில் நின்று பயணித்த இளைஞரை, புதுக்கோட்டை சுங்கச்சாவடி அருகே நடத்துநர் இறக்கிவிட்டதாக கூறப்படுகிறது. தொடர்ந்து பயணித்த பேருந்தை இரு சக்கர வாகனத்தில் வந்த ஏழு பேர் கொண்ட கும்பல், பேருந்தை வழிமறித்து ஓட்டுநர் மற்றும் நடத்துநரை தாக்கி தப்பிச்சென்ற சம்பவம் பரபரப்பை ஏற்படுத்தியது.