நாடு கடந்து பெரும் புள்ளியானாலும் ரத்தத்தை விட்டு போகாத திருட்டு புத்தி ..

ஓசூரில் சாலையோரம் நிறுத்தியிருந்த காரை திருடிச் சென்ற ஆந்திர பொறியாளரை போலீசார் மடக்கி பிடித்தனர்.

ஓசூர் அப்பாவு நகர் பகுதி சேர்ந்த அருளானந்தன் என்பவர், சாலையோரம் நிறுத்தியிருந்த தனது கார் திருடுபோனதாக காவல்துறையில் புகார் அளித்திருந்தார். இதையடுத்து சிசிடிவி காட்சிகளை ஆய்வு செய்த போலீசார், ஆந்திர மாநிலம் மதனப்பள்ளி நகர் வரை சென்று விசாரணை நடத்தினர். அப்போது, மதனப்பள்ளியை சேர்ந்த ஷேக் சைப் அலி என்பவர், காரை திருடியது கண்டுபிடித்தனர். அவர், ஜெர்மன் நாட்டில் பொறியாளர் படிப்பு முடித்துள்ளது தெரிய வந்துள்ளது. மதனப்பள்ளி கிராமத்தில் வாழும் பலர் திருட்டு தொழில்களில் ஈடுபட்டு வருவதும், அதே கிராமத்தை சேர்ந்த ஷேக் சைப் அலியும் திருட்டு தொழிலில் ஈடுபட்டதும் தெரிய வந்த‌து. இதையடுத்து, அவரை கைது செய்து, திருடப்பட்ட காரை மீட்டனர்.