வெளுத்து வாங்கிய கனமழை..மழை நீரால் மூழ்கிய பள்ளி வளாகம் - மாணவர்களுக்கு பறந்த முக்கிய நியூஸ்

வெளுத்து வாங்கிய கனமழை..மழை நீரால் மூழ்கிய பள்ளி வளாகம் - மாணவர்களுக்கு பறந்த முக்கிய நியூஸ்

ராமநாதபுரத்தில் இரவு முழுவதும் பெய்த கனமழை காரணமாக, நகராட்சிப் பள்ளி வளாகத்தில் இருந்த 2 பழமையான மரங்கள் வேரோடு சாய்ந்தன.

ராமநாதபுரம் மாவட்டத்தில் நேற்று இரவு மிக கனமழை பெய்தது. ராமநாதபுரத்தில் மட்டும் சுமார் 75 மில்லிமீட்டர் மழை பதிவானது. ராமநாதபுரம் அரசு மருத்துவ கல்லூரி மருத்துவமனை, பேருந்து நிலையம் உள்ளிட்ட பகுதிகளில் மழை நீர் குளம்போல் தேங்கியது. புதிய பேருந்து நிலையம் அருகிலுள்ள வள்ளல் பாரி நகராட்சி நடுநிலைப் பள்ளியில் இருந்த 2 மிகப்பெரிய பழமையான மரங்கள் வேரோடு சாய்ந்தன. பள்ளி வளாகத்தில் மழை நீர் தேங்கியதால், பள்ளிக்கு விடுமுறை அளிக்கப்பட்டது. இதுகுறித்து முன்கூட்டியே தெரிவிக்கப்படாததால், பல்வேறு பகுதிகளில் இருந்து வந்திருந்த மாணவர்கள் திரும்பிச் சென்றனர்.