தண்ணீர் பாட்டிலுக்கு பணம் கேட்டதற்கு கட்டையால் தாறுமாறாக தாக்கிய கும்பல்.. பறந்த ஹெல்மெட்..டாஸ்மாக்கில் பரபரப்பு

திருப்பூர் அடுத்துள்ள ஊத்துக்குளியில், டாஸ்மாக் பாரில் தண்ணீர் பாட்டிலுக்கு பணம் கேட்ட ஊழியர்கள் தாக்கப்பட்டது குறித்த சி.சி.டி.வி. காட்சிகள் வெளியாகியுள்ளன. கவுண்டம்பாளையத்தில் செயல்படும் டாஸ்மாக் பாருக்கு, கடந்த 24ம் தேதி, அப்பகுதியை சேர்ந்த இளைஞர்கள் சிலர் மது அருந்த வந்துள்ளனர். மது அருந்திவிட்டு வெளியேறியபோது தண்ணீர் பாட்டிலுக்கு ஊழியர்கள் பணம் கேட்டனர். இதனால் ஆத்திரமடைந்த அந்த இளைஞர்கள், கட்டை மற்றும் கற்களால் தாக்கியுள்ளனர்.

இதில் பார் ஊழியர்கள் செல்லத்துரை, அய்யாதுரை, குணா ஆகிய மூன்று பேரும் காயமடைந்தனர். இதுகுறித்த புகாரின்பேரில், சுரேந்தர், வாசுதேவன், ஆரியன், சல்மான்கான் ஆகிய 4 பேரை போலீசார் கைது செய்து, மேலும் சிலரை தேடி வருகின்றனர்.