வரும் 14ம் தேதி.. சென்னையில் நடக்கப்போகும் ஐம்பெரும் விழா - தமிழகம் முழுவதும் பறந்த உத்தரவு

சென்னையில் வரும் 14ம் தேதி முதலமைச்சர் ஸ்டாலின் தலைமையில் ஐம்பெரும் விழா நடைபெற உள்ளது.

இது தொடர்பாக பள்ளிக்கல்வித்துறை வெளியிட்டுள்ள அறிவிப்பில், சென்னையில் வரும்14 ஆம் தேதி காலை, நேரு உள்விளையாட்டு அரங்கத்தில் ஐம்பெரும் விழாவில் பங்கேற்க தேர்வு செய்யப்பட்டுள்ள அனைவரும் தவறாமல் பங்கேற்பதை மாவட்ட முதன்மை கல்வி அலுவலர்கள் உறுதி செய்ய வேண்டும் என்றும் இந்த விழாவில் அனைத்து மாவட்ட முதன்மை கல்வி அலுவலர்களும் பங்கேற்க வேண்டும் என்றும் பள்ளிக்கல்வித்துறை இயக்குனர் அறிவொளி அறிவுறுத்தியுள்ளார். 10 மற்றும் 12ம் வகுப்பு பொது தேர்வுகளில்100 விழுக்காடு தேர்ச்சி பெற்ற அரசு பள்ளிகளின் தலைமை ஆசிரியர்களுக்கு பாராட்டு விழா, தமிழ் பாடத்தில் நூற்றுக்கு நூறு மதிப்பெண் எடுத்த மாணவர்களுக்கு பாராட்டு விழா, அரசு தொடக்கப் பள்ளி ஆசிரியர்களுக்கு கையடக்க கணினி வழங்கும் விழா, 67வது தேசிய அளவிலான விளையாட்டுப் போட்டிகளில் பதக்கம் வென்ற மாணவர்களுக்கு பாராட்டு விழா மற்றும் அரசு பள்ளிகளில் திறன்மிகு வகுப்பறை திறப்பு விழா என ஐம்பெரும் விழா நடைபெற உள்ளது குறிப்பிடத்தக்கது.