சென்னையில் கல்லூரி மாணவர்கள் சென்ற பேருந்தில் இருந்ததை கண்டு நடுங்கிய மக்கள்

சென்னையில், கல்லூரி மாணவர்களிடம் இருந்த பட்டா கத்திகளை பறிமுதல் செய்த போலீசார், 4 பேரை கைது செய்தனர். சென்னை மாநிலக் கல்லூரி திறக்கப்பட்டுள்ள நிலையில், புதுவண்ணாரப்பேட்டை டோல்கேட் டெப்போவில் இருந்த மாணவர்களிடம் பட்டாக்கத்தி இருந்தது குறித்து போலீசாருக்கு பொதுமக்கள் தகவல் தெரிவித்தனர். இதையடுத்து, பேருந்தில் ஏறிய மாணவர்களை மடக்கிப்பிடித்து சோதனை செய்ததில், 2ம் ஆண்டு மாணவர்களிடம் இருந்து 5 பட்டா கத்திகள் பறிமுதல் செய்யப்பட்டன. 4 பேரை கைது செய்து விசாரணைக்காக காவல் நிலையத்திற்கு அழைத்து சென்றனர். ராகிங்கிற்கு அஞ்சி 3ம் ஆண்டு மாணவர்களிடம் இருந்து மாணவர்கள் பட்டாக்கத்தியை வாங்கியதாக கூறப்படுகிறது.