வாலிபரால் பரபரப்பான ஏர்போர்ட் -பாக்ஸ்-ஐ திறந்ததும் அதிர்ந்து போன அதிகாரிகள்

மலேசியாவிற்கு கடத்தப்பட இருந்த 60 நட்சத்திர

ஆமைகள் சென்னை விமான நிலையத்தில் பறிமுதல்

செய்யப்பட்டுள்ளன.

மலேசியா செல்ல சுற்றுலா விசாவில் வந்த சென்னை

வாலிபரின் உடைமைகளை சென்னை விமான நிலைய

பாதுகாப்பு அதிகாரிகள் சோதனை செய்தனர். அவர்

வைத்திருந்த இரண்டு அட்டைப் பெட்டிகளை சோதனை

செய்த போது, அவற்றில் உயிருடன் உள்ள நட்சத்திர

ஆமைகள் இருப்பது தெரிய வந்தது. உடனே பயணியையும்,

அட்டைப் பெட்டிகளில் இருந்த 60 நட்சத்திர ஆமைகளையும் சென்னை விமான நிலைய சுங்க இலாகா அதிகாரிகளிடம் ஒப்படைத்தனர். பயணியை சுங்க இலாகா அதிகாரிகள் கைது செய்து விசாரணை நடத்தினர். ஆந்திராவின் சதுப்பு நிலப் பகுதியில் இருந்து கொண்டு வரப்படும், நட்சத்திர ஆமைகளின் கொள்முதல் விலை ஐம்பதில் இருந்து 100 ரூபாய் என்றும், மலேசியாவில் இவற்றின் விலை 5 ஆயிரம் ரூபாய் வரை விற்பனையாகும் என்று விசாரணையில் தெரிய வந்தது. அழிந்து வரும் உயிரினமான இந்த நட்சத்திர ஆமைகளை, வண்டலூர் உயிரியல் பூங்காவில் ஒப்படைக்க அதிகாரிகள் முடிவு செய்துள்ளனர்.