பாத்திரத்தில் சிக்கிய குழந்தை.. 20 நிமிடம் போராடிய தீயணைப்பு வீரர்கள் - இறுதியில் நடந்தது என்ன?

சென்னை கொடுங்கையூர் அருகே எருக்கஞ்சேரி பகுதியைச் சேர்ந்த சதீஷ் குமாரின் 3 வயது ஆண் குழந்தை, விளையாடும் போது பாத்திரத்தில் மாட்டிக் கொண்டது. குழந்தையை வெளியே எடுக்க பெற்றோர் முயற்சித்தும், எடுக்க முடியாமல் போனது. இதனால் குழந்தை கதறிய நிலையில், தகவலறிந்து சம்பவ இடத்திற்கு வந்த தீயணைப்பு வீரர்கள், சுமார் 20 நிமிடம் போராடி, பாத்திரத்தை வெட்டி குழந்தையை பத்திரமாக மீட்டனர். காயங்களின்றி குழந்தையை மீட்டுக் கொடுத்த தீயணைப்பு வீரர்களுக்கு, பெற்றோர் கண்ணீர் மல்க நன்றி தெரிவித்தனர்.