"புல்லுக்கு பதில் பிஸ்கட்.." -ஆட்டை ஆட்டைய போட முயன்ற குடும்பம்.. சுத்தி வளைச்சி சூப் கொடுத்த மக்கள்

வாணியம்பாடியில் காரில் வந்து பிஸ்கட் கொடுப்பது போல், ஆடுகளை திருடி சென்ற கும்பலை போலீசார் தேடி வருகின்றனர்.

திருப்பத்தூர் மாவட்டம் வாணியம்பாடி கோணமேடு பகுதிக்கு, காரில் வந்த 4 பேர் கொண்ட கும்பல், ஆடுகளுக்கு பிஸ்கட் கொடுப்பது போல் 4 ஆடுகளை திருடி சென்றுள்ளது. இதனை அப்பகுதியை சேர்ந்த ஒருவர் வீடியோ எடுத்து, சமூக வலைதளங்களில் பதிவிட்டுள்ளார். வீடியோ வேகமாக பரவிய நிலையில், இந்த சம்பவம் தொடர்பாக போலீசார் தீவிர விசாரணை நடத்தி வருகின்றனர். முதற்கட்ட விசாரணையில் ஆடுகளை திருடி சென்ற கார், பெங்களூரு - சென்னை தேசிய நெடுஞ்சாலையை கடந்து வாணியம்பாடி நோக்கி வருவது, நெக்குந்தி சுங்க சாவடி சிசிடிவி கேமராவில் பதிவாகியுள்ளது கண்டுபிடிக்கப்பட்டது. இதனால் ஆடுகளை திருடி சென்றவர்கள் வெளியூரை சேர்ந்தவர்களாக இருக்கலாம் என, சந்தேகம் எழுந்துள்ளது.