கார் டிரைவராக வேலை பார்த்தவர் மீதே 8 கொலை கொள்ளை வழக்கு... ஆம்ஸ்ட்ராங் வழக்கில் அடுத்த டுவிஸ்ட்

கார் டிரைவராக வேலை பார்த்தவர் மீதே 8 கொலை கொள்ளை வழக்கு... ஆம்ஸ்ட்ராங் வழக்கில் விடியவிடிய நடந்த விசாரணையில் அதிர்ச்சி

ஆம்ஸ்ட்ராங் கொலை வழக்கில் கைதான சீசிங் ராஜாவின் கூட்டாளி சஜீத்திடம் போலீசார் விடிய விடிய கிடுக்கிப்பிடி விசாரணை நடத்தினர்.

ஆம்ஸ்ட்ராங் கொலை வழக்கில், சென்னை புறநகர் ரவுடி சீசிங் ராஜாவை தனிப்படை போலீசார் தீவிரமாக தேடி வருகின்றனர். இந்நிலையில் சீசிங் ராஜாவின் நெருங்கிய கூட்டாளியான சஜீத்தை தாம்பரம் போலீசார் அதிரடியாக கைது செய்தனர். சஜீத்திடம் விடிய விடிய தீவிர விசாரணை நடத்திய போலீசார், அவரிடம் இருந்து புதிதாக செய்யப்பட்ட 4 கத்திகளை பறிமுதல் செய்தனர். தலைமறைவாக உள்ள சீசிங் ராஜாவுக்கு சஜீத் கார் ஓட்டுனராக இருந்தது தெரியவந்த நிலையில், சீசிங் ராஜா தப்பிக்க உதவி செய்திருக்கலாம் என்ற சந்தேகத்தின்பேரிலும் விசாரித்து வருகின்றனர். சஜீத் மீது 8-க்கும் மேற்பட்ட கொலை, கொள்ளை வழக்குகள் உள்ளதால், தேனாம்பேட்டை மற்றும் எண்ணூர் போலீசாரும் விசாரணை நடத்தியதாக கூறப்படுகிறது.