திடீரென பயங்கர சத்தத்துடன் வெடித்து சிதறிய பட்டாசு ஆலை... சிவகாசியில் அதிர்ச்சி சம்பவம்

சிவகாசி அருகே பட்டாசு ஆலையில் ஏற்பட்ட வெடி விபத்தில், பெண் உட்பட மூன்று பேர் படுகாயம் அடைந்தனர். கங்கசேவல் கிராமத்தில் செயல்பட்டு வரும் பட்டாசு ஆலையில், சுமார் 50க்கும் மேற்பட்ட தொழிலாளர்கள் பணியாற்றி வருகின்றனர். இந்நிலையில், வழக்கம் போல் பட்டாசு தயாரிப்பில் தொழிலாளர்கள் ஈடுபட்டிருந்த போது, ரசாயன கலவையில் ஏற்பட்ட உராய்வின் காரணமாக வெடி விபத்து ஏற்பட்டுள்ளது. இதில், மூன்று பேர் படுகாயம் அடைந்த நிலையில், அவர்கள் சிகிச்சைக்காக சிவகாசி அரசு மருத்துவமனையில் அனுமதிக்கப்பட்டுள்ளனர். அதில், இருவர் மேல் சிகிச்சைக்காக விருதுநகர் அரசு மருத்துவமனைக்கு அனுப்பி வைக்கப்பட்டனர்