பண மாலையுடன் வேட்புமனு தாக்கல் செய்ய வந்த அமமுக வேட்பாளர்!

மதுரையில் பழைய ஐந்து ரூபாய் நோட்டை மாலையாக அணிந்து வந்த வேட்பாளர் நூதன முறையில் வேட்புமனு தாக்கல் செய்தார். நகர்ப்புற உள்ளாட்சி அமைப்புகளுக்கான தேர்தலுக்கு வேட்புமனு தாக்கல் செய்யும் பணியில் வேட்பாளர்கள் ஈடுபட்டு வருகின்றனர். மதுரை மாநகராட்சியில் உள்ள 100 வார்டுகளில் போட்டியிட சுயேட்சை வேட்பாளர்கள் அதிகளவில் வேட்புமனுத்தாக்கல் செய்து வருகின்றனர். தொடர்ந்து அம்மா மக்கள் முன்னேற்ற கழக சார்பில் மதுரை மாநகராட்சிக்கு உட்பட்ட 68 வார்டு கவுன்சிலருக்கு போட்டியிடுவதற்காக ஜாகீர் உசேன் பழைய ஐந்து ரூபாய் நோட்டுகளை மாலையாக அணிந்து நூதன முறையில் வேட்பு மனுவை தாக்கல் செய்தார்.