கள்ளக்காதலியின் குழந்தை மீது தாக்குதல் - குழந்தையை கொடூரமாக தாக்கிய இளைஞன்

கன்னியாகுமரியில் கள்ளக்காதலியின் குழந்தையை கொடூரமாக தாக்கிய இளைஞனை போலீசார் தேடி வருகின்றனர்.கன்னியாகுமரி மாவட்டம் அருமனை அருகே மாலைக்கோடு என்ற பகுதியை சேர்ந்தவர் ஹரி. இவர் கேரளாவில் முடி திருத்தும் கடையில் வேலை பார்த்து வந்த நிலையில், அப்பகுதியை சேர்ந்த திருமணமான பெண்ணுடன் இவருக்கு தொடர்பு ஏற்பட்டுள்ளது. ஒரு கட்டத்தில் தன் காதலியை அவரின் குழந்தையோடு சொந்த ஊருக்கு அழைத்து சென்று குடும்பம் நடத்தி வந்துள்ளார். இதனிடையே அந்த பெண்ணின் குழந்தையை ஹரி கடுமையாக தாக்கி சித்ரவதை செய்துள்ளார். குழந்தையின் அலறல் சத்தம் கேட்டு அருகில் இருந்தவர்கள் வந்து பார்த்தனர். அப்போது குழந்தையின் உடலெங்கும் குச்சியால் அடித்த காயங்கள் இருக்கவே உடனே குழந்தையை இடைக்கோடு அரசு மருத்துவமனைக்கு அழைத்துச் சென்றனர். இந்த சம்பவம் பெரும் பரபரப்பை ஏற்படுத்திய நிலையில் தலைமறைவாக உள்ள ஹரியை போலீசார் தேடி வருகின்றனர்.