நீட் விவகாரம் - "மாணவர்களை திமுக குழப்பியது" - எடப்பாடி பழனிசாமி

நீட் தேர்வு அச்சத்தால் தற்கொலை செய்த மாணவர் தனுஷ் குறித்து பேச அனுமதி தரப்படாததால் சட்டப்பேரவையில் இருந்து அதிமுக வெளிநடப்பு செய்ததாக எதிர்க்கட்சி தலைவர் எடப்பாடி பழனிசாமி கூறி உள்ளார். சட்டப்பேரவை கூட்டத்தொடரின் இறுதி நாளான இன்று, அதிமுக வெளிநடப்பு செய்தது. அவைக்கு வெளியே செய்தியாளர்களை சந்தித்த எதிர்க்கட்சி தலைவர் எடப்பாடி பழனிசாமி, தற்கொலை செய்துகொண்ட மாணவர் தனுஷ் குறித்து பேச அனுமதி அளிக்கப்படவில்லை என்று கூறினார். நீட் தேர்வு விவகாரத்தில் மாணவர்களை திமுக குழப்பியதாகவும் அவர் குற்றம்சாட்டினார்.