"ஹெலிகாப்டர் சுற்றுலா நடைமுறைபடுத்தப்பட உள்ளது" - சுற்றுலாத்துறை அமைச்சர் மதிவேந்தன்

அதிகமான மக்கள் செல்லக்கூடிய புதிய பகுதிகளை கண்டறிந்து அந்த பகுதிகளை சுற்றுலா தலங்களாக மேம்படுத்தப்படும் என சுற்றுலாத்துறை அமைச்சர் மதிவேந்தன் தெரிவித்துள்ளார். நாமக்கல் மாவட்ட ஆட்சியர் அலுவலகத்தில் ஆசிரியர் தினத்தை முன்னிட்டு, மாவட்டத்தில் சிறந்து விளங்கிய 10 ஆசிரியர்களுக்கு டாக்டர் ராதாகிருஷ்ணன் விருதுகளை அமைச்சர் மதிவேந்தன் வழங்கினார். இதனை தொடர்ந்து செய்தியாளர்களிடம் பேசிய அமைச்சர், கொடைக்கானல், ராமேஸ்வரம் பகுதியில் ஹெலிகாப்டர் சுற்றுலா தொடங்குவது தொடர்பாக ஹெலிகாப்டர் ஆபரேட்டர்களிடம் ஆலோசித்து வருவதாகவும்  விரைவில் அந்த சேவை தொடங்கப்படும் என்றும் தெரிவித்தார்.