"ஆராய்ச்சி மாணவர்களுக்கான ஆண்டு ஊக்கத் தொகை நிறுத்தம்"- அண்ணா பல்கலை. அறிவிப்பு

அண்ணா பல்கலைக்கழகத்தில் ஆராய்ச்சி படிப்பில் ஈடுபட்டு வரும் மாணவர்களுக்கு மாதாந்திர ஊக்க  தொகையாக 16 ஆயிரம்  ரூபாயும் ஆண்டு ஊக்க தொகையாக 25 ஆயிரம் ரூபாயும் தனித்தனியாக வழங்கப்பட்டு வருகிறது. இந்த நிலையில் சமீபத்தில் நடந்த நிர்வாகக்குழு கூட்டத்தில் எடுக்கப்பட்ட முடிவின்படி அடுத்த ஆண்டு முதல் ஆண்டு ஊக்கத்தொகையான 25 ஆயிரம் ரூபாய் நிறுத்தப்படுவதாக அண்ணா பல்கலைக்கழகம் அறிவித்துள்ளது. அதே நேரத்தில் அண்ணாவின் பெயரில் வழங்கப்படும் மாதாந்திர ஊக்க தொகை 16 ஆயிரம் ரூபாயிலிருந்து 20 ஆயிரம் ரூபாயாக உயர்த்தப்படுவதாகவும் பல்கலைக்கழகம் தெரிவித்துள்ளது.