சத்தியமங்கலம் எல்லையில் போலீசார் சோதனை - இ-பாஸ் இல்லாதவர்களை திருப்பி அனுப்பி அறிவுறுத்தல்

ஈரோடு மாவட்டம் சத்தியமங்கலம் எல்லையில், இ-பாஸ் இல்லாமல் நுழைந்த வாகனங்களை போலீசார் திருப்பி அனுப்பினர். இம்மாதம் 30 ஆம் தேதி வரை மாவட்டம் தாண்டி நுழைய செல்ல தடை விதிக்கப்பட்டுள்ளது. இதனால், அந்தந்த மாவட்ட எல்லைகளில் தீவிர வாகன சோதனையில் போலீசார் ஈடுபட்டுள்ளனர். சத்தியமங்கலம் - மேட்டுப்பாளையம் சாலையில் பெரிய கள்ளிப்பட்டி சோதனைச் சாவடியில் போலீசார் மற்றும் மருத்துவ குழுவினர் தீவிர வாகன தணிக்கையில் ஈடுபட்டுள்ளனர். இ- பாஸ் இல்லாமல் வரும் கார் மற்றும் இருசக்கர வாகனங்களை திருப்பி அனுப்பினர். உரிய அனுமதியுடன் வருமாறு அவர்களுக்கு போலீசார் அறிவுறுத்தினர்.