பெரம்பலூரில் மேலும் இருவருக்கு கொரோனா தொற்று உறுதி - 3 கிராமங்களுக்கு சீல் வைப்பு

பெரம்பலூர் மாவட்டத்தில் மேலும் இருவருக்கு கொரோனா பாதிப்பு இருப்பது உறுதியான நிலையில் 3 கிராமங்களுக்கு சீல் வைக்கப்பட்டுள்ளது.   லப்பை குடிக்காடு, அத்தியூர், மற்றும் துங்கபுரம் உள்ளிட்ட பகுதிகளில் இன்று முதல் மூன்று நாட்களுக்கு முழு ஊரடங்கு பிறப்பிக்கப்பட்டு உள்ளது.  கிராம எல்லை பகுதிகள் முழுவதும் அடைக்கப்பட்டு தடுப்பு வேலிகள் போடப்பட்டு, வெளி நபர்கள் செல்லாதவாறும், அங்கிருந்து வெளியே யாரும் செல்லாதவாறும் கண்காணிப்படுகின்றனர்.மேலும் கிராமம் முழுவதும் கிருமி நாசினி அடிக்கப்பட்டு கிராம மக்களுக்கு எச்சரிக்கை விடப்பட்டு உள்ளது.  தொடர்ந்து சுகாதார துறையினர் தீவிர கண்காணிப்பில் ஈடுபட்டு வருகின்றனர்.